Son Xəbər: Kobaxidze: Azərbaycan-Gürcüstan-Türkiyə əlaqələrinin gücləndirilməsi olduqca vacibdir, İranla ABŞ atəşkəslə bağlı razılığa gəlib?, Naxçıvanda binalar belə görünəcək - Video, "Anadolu": ABŞ və İran 60 günlük atəşkəsi uzatmaq barədə razılığa gəlib, "Qarabağ"ın heyətində "Dinamo" ilə Bakıdakı görüşdə rotasiyalar gözlənilir, Sabah 37 dərəcə isti olacaq, Zelenski: Rusiya donanmasının Qara dənizdəki sonuncu dayaq məntəqəsini vurmuşuq, Naxçıvanın sosial-iqtisadi inkişafının sürətləndirilməsi üçün 258 milyon manat ayrılıb - SƏRƏNCAM, Siyəzəndə kafedə 79 yaşlı kişinin meyiti tapılıb, Rusiya Xarkov və Xerson vilayətlərinə zərbə endirib: 2 nəfər ölüb, 15 nəfər xəsarət alıb,

İranla ABŞ atəşkəslə bağlı razılığa gəlib?

Tarix: Bugün, 17:01

ABŞ və İranın atəşkəs rejiminin uzadılması barədə razılığa gəlməsi iddia olunub.

Bu barədə “Anadolu” agentliyi Pakistan hökumətindəki mənbələrə istinadən məlumat yayıb.

Məlumata görə, Vaşinqton və Tehran iyunun 17-də imzalanmış İslamabad sazişində nəzərdə tutulan atəşkəs rejiminin müddətini uzatmaq barədə razılıqlarını vasitəçilərə çatdırıblar.

Bununla belə, müddətin nə qədər uzadılacağı ilə bağlı məsləhətləşmələrin davam etdiyi qeyd olunub.

“Reuters” agentliyinin adı açıqlanmayan iranlı məmura istinadən verdiyi məlumata görə isə İran və ABŞ arasında atəşkəs rejiminin uzadılması müzakirə olunmayıb.

Mənbənin sözlərinə görə, atəşkəs qüvvədə deyil, çünki anlaşma memorandumu imzalandıqdan 48 saat sonra ABŞ onun müddəalarını pozub.

Xatırladaq ki, iyunun 17-də İslamabadda ABŞ və İran arasında atəşkəs elan edilməsini nəzərdə tutan anlaşma memorandumu imzalanıb. 60 günlük atəşkəsin müddəti avqustun 17-də başa çatacaq.

Bugün, 17:01 3 Dünya